Mibeko na biso, polele.

1. Commande

Ba commande esalemaka na WhatsApp (+243 853 777 737). Liboso ya kobanda, Ponamboka endimisaka na makomi oyo ekopesama mpe ntalo na yango. Mosala ebandaka sima ya bondimi na bino mpe kofuta oyo ekanami.

2. Ba pack ya sanza

• Pack Affiches : 30 $ na sanza, tii ba affiche 10 na poso. Affiche moko ezali elili moko na format moko (carré to ya kotelema).
• Pack Motion : 65 $ na sanza, ba motion 2 na poso. Motion moko ezali vidéo ya kotelema ya secondes 5 tii 15, epesamaka kozanga miziki.
• Club Ponamboka (Pack Duo) : 85 $ na sanza, esangisi Pack Affiches mpe Pack Motion na ba quota ndenge moko.
• Poso ebandaka lundi tii dimanche. Quota oyo esalelami te ekendaka na poso oyo elandi te.
• Pause : na message moko ya WhatsApp, pack ekoki kotiama na pause. Ba poso oyo etikali na sanza oyo efutami ebombamaka mpe ezongelaka na mokolo oyo client aponi.
• Komeka : mpo na sanza ya liboso ya pack, soki client asepeli te sima ya poso ya liboso, Ponamboka azongisaka 50 % ya ntalo ya sanza mpe pack esukaka.
• Pack efutamaka na ebandeli ya sanza nyonso. Engagement ezali te : bokoki kotika yango ntango nyonso ; sanza oyo efutami ekosalema tii na suka mpe mbongo na yango ekozongisama te.

3. Misala ya moko moko

Affiche : 3 $. Motion : 20 $. Efutamaka ntango ya commande.

4. Ba correction

Série moko ya ba correction ezali kati mpo na affiche moko mpe mpo na motion moko, mibale mpo na site vitrine. Série ezali liste ya ba correction oyo etindami mbala moko. Ba correction ya kobakisa, to kobongola mobimba oyo esengamaki, ezali na ntalo oyo eyebisami liboso.

5. Site vitrine mpe kolandela site

• Site vitrine : 200 $, efutamaka ndambo na ebandeli, ndambo ntango epesami. Tii ba page 5.
• Site etiamaka na internet na hébergement ya ofele. Nkombo ya domaine ya moto moko esombamaka na nkombo ya client mpe ntalo na yango ezali na mokumba na ye.
• Na nse ya site ekomami maloba « Site réalisé par Ponamboka ».
• Ntango topesi site, bokozwa ba fichier nyonso ya site, mpo bozala na bonsomi ya kobongola moto oyo asalelaka bino.
• Kolandela site (soki bolingi) : 79 $ na sanza, engagement te, tii ba changement 4 ya makomi na sanza.

6. Google Maps

Fiche esalemaka mpe etalelamaka uta na compte Google ya mombongo, na lisalisi na biso. Google kaka nde azwaka mokano ya kondima fiche mpe ya esika na yango : Ponamboka apesaka garantie te na yango. Tosengaka ata mokolo moko te mot de passe to code ya vérification.

7. Makambo oyo bopesi biso

Bondimi ete bozali na lotomo ya kosalela ba logo, ba foto mpe makomi oyo botindi. Ponamboka aboyaka makambo ya kokosa bato, ba promo ya lokuta mpe komekola ba marque mosusu.

8. Ba fichier mpe ba référence

Ba fichier oyo epesami mpe efutami ezali ya bino. Ponamboka alakisaka mosala moko na kati ya misala na ye to na ba réseau na ye kaka na ndingisa na bino na makomi.

9. Kofuta mpe ba reçu

Kofuta esalemaka na mobile money (M-Pesa, Airtel Money, Orange Money, Illicocash) to na virement ya banque ; nzela mosusu nyonso esengeli koyokana na WhatsApp liboso ya kobanda. Reçu ya makomi epesamaka mbala nyonso bofuti. Ba ntalo ezali na dollars ya Amerika.

10. Ba information

Tobombaka kaka oyo esalisaka mpo na commande na bino. Site oyo esalelaka cookie te mpe eloko ya kolanda bato te ; etangaka kaka motango ya ba visite, kozanga koyeba bozali nani.

11. Contact

Mpo na motuna nyonso na ntina ya mibeko oyo : WhatsApp +243 853 777 737.